ملکی خسارہ منافع میں بدل گیا

روپے کی بے قدری کے باعث ملک کا مالی خسارہ ریکارڈ منافع میں بدل گیا ہے۔

تفصیلات کے مطابق اسٹیٹ بینک کی جانب سے مالی جائزہ رپورٹ جاری کی گئی ہے جس میں بتایا گیا ہے کہ روپے کی بے قدری سے اسٹیٹ بینک کا خسارہ ریکارڈ منافع میں بدل گیا ہے۔

رپورٹ کے مطابق مالی سال دوہزار انیس بیس میں اسٹیٹ بینک کو 1163 ارب روپے منافع حاصل ہوا ہے۔

یہ بھی پڑھیں: ہمارے  نبی ﷺجیسا عظیم انسان نہ آیا ہے نہ آسکتا ہے، وزیراعظم

یہ بھی پڑھیں: پاکستان کا زمبابوے کو جیت کیلئے 282 رنز کا ہدف

خیال رہے کہ ملک کو حاصل ہونے والا منافع تاریخ میں پہلی بار ہوا ہے جبکہ مالی سال دوہزار اٹھارہ انیس میں 1 ارب روپے کا نقصان ہوا تھا۔

اسٹیٹ بینک کی رپورٹ میں بتایا گیا ہے کہ غیر ملکی اثاثوں پر 66 ارب 40 کروڑ ایکسچینج گین ریکارڈ تاریخی منافع کی وجہ بنا ہے تاہم سودی آمدن میں بھی 562 ارب روپے کا اضافہ ہوا ہے۔

یاد رہے کہ گزشتہ مالی سال میں خالص سودی آمدن 1208 ارب روپے رہی ہے جبکہ مالی سال دوہزار اٹھارہ انیس میں سودی آمدن 646 ارب روپے رہی تھی۔