صدر مملکت پاکستان کا ترکی میں زلزلے پر اظہار افسوس
صدر مملکت پاکستان ڈاکٹر عارف علوی نے گزشتہ روز ترکی کے شہرازمیر میں زلزلے سے نقصان پر گہرے رنج و غم کا اظہار کیا۔
صدر مملکت ڈاکٹر عارف علوی نے ترکی میں زلزلے کے باعث تباہی اور جانی و مالی نقصان پر اظہارِ افسوس کرتے ہوئے کہا ہے کہ ترکی کے شہر ازمیر میں زلزلے کی خبر سن کر نہایت افسوس ہوا۔
انہوں نے کہا کہ ترک صدر طیب اردگان متاثرہ افراد کے اہل خانہ سے پاکستانی عوام کا اظہار تعزیت پہنچائیں۔
خیال رہے کہ گزشتہ روز ترکی میں 6 اعشاریہ 8 کی شدت کے باعث کم از کم 24 افراد ہلاک اور سینکڑوں زخمی ہوگئے ہیں۔
امریکی زلزلہ پیما مرکز کا کہناہے کہ ترکی کے مغربی صوبے ازمیر کے ساحل سے سترہ کلو میٹر دور یہ زلزلہ آیا۔
