دیامیر بھاشا ڈیم ملک کیلئے اہم ترین منصوبہ ہے، وزیراعظم
وزیر اعظم عمران خان نے کہا ہے کہ دیامیر بھاشا ڈیم ملک کے لیے اہم ترین منصوبہ ہے۔
تفصیلات کے مطابق وزیر اعظم عمران خان نے دیامیر بھاشا ڈیم سائٹ کا دورہ کیا اور ڈیم پر جاری کام کا جائزہ لیا۔
اس موقع پر چیرمین واپڈا لیفٹیننٹ جنرل (ر) مزمل حسین نے وزیر اعظم کو ڈیم پر جاری کام کے حوالے سے بریفنگ دی۔
وزیراعظم عمران خان نے کام کرنے والے کارکنان سے گفتگو کرتے ہوئے کہا کہ دیامیر بھاشا ڈیم ملک کے لیے اہم ترین منصوبہ ہے۔
یہ بھی پڑھیں: مسلسل کمی کے بعد سونے کی قیمت میں اضافہ
یہ بھی پڑھیں: پاکستانی امپائر علیم ڈار اہم اعزاز حاصل کرنے کے قریب
وزیر اعظم نے کام کی رفتار اور معیار پر اطمینان کا اظہار کرتے ہوئے کہا کہ تعمیراتی کام سے اس علاقے میں معاشی سرگرمیاں تیز ہوں گے۔
عمران خان نے یہ بھی کہا کہ دیامیر بھاشا ڈیم سے پانی ذخیرہ اور بجلی بنے گی جبکہ اس کی وجہ سے تربیلہ ڈیم کی کارآمد معیاد میں اضافہ ہوگا
وزیر اعظم عمران خان نے مزید کہا کہ دیامیر بھاشا ڈیم سے روزگار کے مواقع ملیں گے اور معیشت مزید مستحکم ہوگی۔
واضح رہے اس سے قبل عمران خان نے گلگت بلتستان میں ایک تقریب سے خطاب کرتے ہوئے کہا تھا کہ حکومت نے گلگت بلتستان کو صوبے کا درجہ دینے کا فیصلہ اقوامِ متحدہ کی قرارداد کو سامنے رکھ کر کیا ہے۔
عمران خان نے کہا تھا کہ بلتستان کوصوبےکادرجہ دینےکافیصلہ کیا جبکہ پاکستان کیلئے مضبوط فوج کا ہونا ضروری ہے۔
وزیرِ اعظم عمران خان نے مزید کہا تھا کہ تحریک انصاف حکومت کی پالیسی ملک کے کمزور طبقے کواوپرلانا ہے، ملک کے پیچھے رہ جانے والے تمام علاقوں کواوپر لانا چاہتے ہیں، گلگت اسکاؤٹس اور علاقے کو آزاد کرانے والے شہداءکوسلام پیش کرتاہوں۔