پارلیمنٹ حملہ کیس، وزیراعظم عمران خان باعزت بری
وزیر اعظم عمران خان کو پارلیمنٹ حملہ کیس میں بری کر دیا گیا۔
تفصیلات کے مطابق انسداد دہشت گردی کی عدالت نے وزیراعظم عمران خان کو پارلیمنٹ حملہ کیس میں باعزت بری کر دیا۔
عدالت نے بریت کی درخواست پر دلائل سننے کے بعد فیصلہ محفوظ کیا تھا۔
یہ بھی پڑھیں: زمبابوے سریز سے قبل پاکستان کو بڑا جھٹکا
وزیراعظم عمران خان کے وکیل نے بریت کی درخواست پر تحریری دلائل جمع کراتے ہوئے موقف اختیار کیا تھا کہ وزیر اعظم کو جھوٹے اور بے بنیاد مقدمے میں پھنسایا گیا ہے اور ان کے خلاف کوئی ثبوت نہیں ہیں نہ ہی کسی گواہ نے ان کے خلاف بیان دیا۔
انہوں نے کہا کہ یہ سیاسی مقدمہ ہے جس میں سزا کا کوئی امکان نہیں، اس لیے وزیر اعظم کو بری کیا جائے۔
واضح رہےکہ وزیراعظم عمران خان اس مقدمہ میں اشتہاری تھے ، صدر مملکت عارف علوی، وفاقی وزراء شاہ محمود قریشی، پرویز خٹک، اسد عمر، شفقت محمود، صوبائی وزیر علیم خان، جہانگیر ترین بھی مقدمہ میں ملزم نامزد ہیں۔